30-10-2020

بيتزا : وصفات بيتزا سهلة

Cuisiner

بيتزا : وصفات بيتزا سهلة

بيتزا : وصفات بيتزا سهلة


بيتزا المقلى

المكونات :

500 غ فارينة -1 خميرة خبز - نصف باكو خميرة مرطبات - 1 ياغورت طبيعي - مغرفة صغيرة ملح - 4 مغارف زيت و حليب دافئ للعجن ...

الطريقة

تخلط المكونات و تعجن بالحليب الدافئ و تخليها تخمر 30 دق وتقسم العجينة على 8 كعبورات وبعد تاخذ المقلى وتخليه على الغاز و تشعل النار وترش الفارينة و تحل لعجينة جويدة و تخليها فوقو تنقبها بالفرشيطة تطيب شوية و تقلب للجهة لخرى وتزين بالصوص و الموزرالا وتخليها تزيد تطيب و بعد تكمل تزين ...

( تن ، زيتون ، شامبنيون ، جمبون ، هريسة... ) بالنسبة للزينة إختيارية تعملو لي تحبو وبعد تلفها على إثنين والا تخليها مدورة وتقصها مثلثات وصحة وبالشفاء



بيتزا اسكالوب


مقادير العجينة :

500غ فارينة و باكو خميرة خبز ما يعادل مغرفة كبيرة و مغرفة كبيرة سكر و مغرفة صغيرة ملح و كعبة ياغورط طبيعى و ثلاثة مغارف كبار زيت و حليب دافئ للعجن

الطريقة :

تاخذ كاس حليب دافئ و اتحط فيه مغرفة سكر و اتخليها تخمر درج و بعد فى صحفة اتحط الفارينة و الملح و كعبة الياغورط و اتصب الحليب المخلط بالخميرة و تُعجن اتزيد الحليب و انت تُعجن و فى الاخر اتحط الزيت و اتلم العجينة و تعجنها بالباهى و اتحطها تخمر نصف ساعة وبعد تحلها بالقلقال وادخلها للفور درج وبعد تخرجها تعمل جبن مثلثات وتدهن البات وبعد مغرفة هريسة عربي وبعد تعمل الصوص والفورماج الموزرالا وتزين بالاسكالوب وتعمل كعبات زيتون واترجعها 7-8 دقايق للفور وبالشفاء


بيتزا كوفار 

العجينة المقادير : 

كاس زيت و كاس حليب دافى و كاس ماء دافئ و مغرفة كبيرة خميرة خبز و مغرفة صغيرة خميرة ڤاطو و نصف مغرفة صغيرة ملح و مغرفة صغيرة سكر و بيضة و فارينة حسب الحاجة لين تتلم العجينة انا هونى استعملت اربعة كيسان و نفس الكاس كيلت بيه جميع المقادير 

الطريقة :

فى وعاء اتخلط جميع السوائل و اتزيد الملح و السكر و الخميرة و اتحرك و بعد اتزيد البيضة و بعد اتزيد الفارينة لين تتلم العجينة اتغطيها و اتخليها ترتاح نصف ساعة

فى الاثناء اتحضر الحشو : 

فى المقلى اتحط مغرفة زبدة و مغرفة زيت و اتقلى راس كراث (البصل الاخضر الطويل ) و بعد اتزيدو سنتين ثوم و بعد اتزيد اللحم المفروم مقدار 300غ و اتقلى بالباهى و اتفوح فلفل اكحل و ملح و بعد اتخرجهم من النار و اتخليهم فوق مناديل ورق باش يشرب الزيت و فى وعاء اخر اتقطع المعدنوس و اتزيدو كعبتين فورماج و اتزيدهم خليط اللحم المفروم و اتزيدهم بيضة و اتخلط و بعد تاخذ طبق الفور تدهنو بالزبدة و تقسم العجينة على زوز اتحل الجزء الاول و تطرحو على الطبق و بعد اتحط الحشو و تعمل رشةً جبن râpée و موزريلا (اختيارى) و بعد اتحل الجزء الاخر متاع العجينة و اتحطو من الفوق و بعد اتقص البيتزا مربعات و اتزينها بالزيتون و تدهنها باصفر بيضة مع شوية حليب و ادخلها لفور سخون 

اتنجم تعمل حشو صوص طماطم و تن و فورماج râpée و موزريلا و بالشفاء


بيتزا فروماج تن شامبينيون وبالعظمة 

مقادير العجينة : 

500 غ فارينة - مغرفة صغيرة ملح - 1 خميرة خبز - 12 خميرة قاطو -  3 مغارف زيت - عظمة - حليب دافئ للعجن

الصوص : 

4 كعبات طماطم - سنة ثوم - مغرفة صغيرة هريسة - شوية زيت - ملح - فلفل أكحل - زعتر 

الطريقة

تخلط مكونات العجينة و تعجن بالحليب الدافئ و تخليها تخمر نصف ساعة وتحضر الصوص تسمط الطماطم شوية و بعد ترحيها و تزيدها الزيت و الهريسة و الثوم و تفوح بالملح و الفلفل أكحل و الزعتر و تخليها تطيب...

تحل العجينة و تفرشها فوق ورق الطبخ و تزين بالصوص و الجبن ( عملت موزاريلا و gruyère ) ودخلها تطيب لمدة 15 دق في 180 درجة ( قبل ما اطيب خرجها واعمل العظمة ورجعها للفور )... كي تطيب تزين بالتن والشامبينيون والزيتون

Source  :  كوجينة الشاف أمين 



0 Réponses